In aram Dorf bei Waldaschuaf

daou stäit a alta Bauernhuaf

as Wohnhaus klaa - da Schdodl graouss

sua stäit er anerer schmoln Straouss

Wöi oold der ies - des woiss ma niad

waal ja niad alles aafgschriem wird

Aaf alle Fäll, vor etli Jaoua

ies wos bassiert - und des ies waoua

Denn wos sich sälmals dort ogschbüld

haout ma nu Jahre lang vazült

Also laouts Eich ner mal sogn

genau sua wöi sichs zou haout trogn:

Im Staawold haout die Bundeswehr

- sie kamen affa von Grafenwöhr -

wieda mal a Manöver ghaltn

- vielleicht erinnern sich die Alten -

Der „Hauptgefechtsstand" der war druam

ganz in da Näicht vom Oberpfalz-Tuam

Die Lkw's fuhrn ihre Runden

um die Gegend zu erkunden

Wenns die Soldaten echt pressiert

wern die Verkehrsschüldl ignoriert

Waals die onzign aaf da Strassn warn

sans holt „a bissl" schneller gfahrn

Sua sausn die Laster - stückeres drei

mit Karacho an dem Huaf vabei

da vierte owa schafft des niat

denn dem is folgendes passiert: